Айдар Кеңесбеков, PhD, "PlasmaScience" ЖШС постдокторанты, "500 ғалым" бағдарламасы бойынша Сакария университетінде ғылыми тағылымдамадан өтуде. Sakarya University Түркиядағы 30 жетекші университеттердің бірі және әлемдік беделді жоғары оқу орындарының үздік 5% қатарына кіреді.
2024 жылдың 1 сәуірі мен 31 тамызы аралығында өтіп жатқан тағылымдама ауа-плазмалық бүрку әдісімен металлидті жабындарды алудың ғылыми-технологиялық негіздерін әзірлеуге бағытталған. Зерттеудің бұл бағыты "Инженерлік ғылымдар облысындағы зерттеулер" басымдығына сәйкес келеді.
Айдардың тағылымдамадан өтудегі жұмысы оның супервайзері ретінде профессор Али ЧОРУХПЕН (Али Чорух) тығыз қарым-қатынасты қамтиды. Профессормен бірге Айдар эксперименттер жүргізеді, деректерді талдайды және энергетика саласында кеңінен қолданылатын жабындарды алудың жаңа әдістерін әзірлейді.